+ الرد على الموضوع
النتائج 1 إلى 2 من 2
dqw
  1. #1
    Junior Member أم سمية is on a distinguished road
    تاريخ التسجيل
    Aug 2008
    المشاركات
    7
    معدل تقييم المستوى
    0

    كيف نستغل الأجازة

    وانطلقت حملة إستغلال كل فيمتو ثانية من الأجازة

    هذه الأجازة ليست كغيرها .. هذه الأجازة مرحلة انتقالية كبرى في حياتنا

    اليوم عندك ماشي إزاى ؟؟

    كل يوم بنام على الفجر ده في حالة لما أنام بدري ممكن تضرب معايا لحد 6 و7 و8ميضرش ..والله المستعان

    وبعدين؟؟
    بنام بقة وأوم ع العصر وطبيعي ان الظهر فاتنى ..بس والله بكون زعلان .. بس أعمل ايه مش قاااادر أقوم .. بس تعرفوا احيانا بيلحق الظهر قبل العصر بدقيقة او 2؟!!
    بعد كدة بيبدأ يومى الى هو المفروض اصلا انه انتهى .. وبتغدى .. وطبيعي مفيش فطار ..
    وبعد كدة بقة ممكن اريح شوية كدة ع السرير مع الحلويات والحاجة الساقعة والفاكهة والذي منه ..
    بعد كدة بصراحة بطنش ماما في المواعين أحيانا .. بس عمل الأكل بقة عمرى ما حاولت أصلا لانى بكون في ساابااااااابع نومة ..
    بعد كدة بقة أستلم جهاز الكمبيوتر ..اشوفلى كام جيم .. على فيلم كومدي ..وشوية شات مفيش مانع ..اهوه بكون علاقات ما انا واحد مهم ..
    بعد كدة بقة ... أصاحبي هارينى اتصالات فبنزل معاهم .. ارجع بقة على 3 بحاول ارجع بدري اهوه علشان اكمل سهرتى على الجهاز .. بعد طبعا ما بكون ضربت كام سندوتش برة على 2 ساقع

    بعدها بصلي الفجر طبعا .. معقول اسمعه وماصليش .. بس بصراحةساعات بصليه تحت في المسجد وساعات فوق وساعات في النص!
    المهم بنام لما اصلي وتتكرر الكارة من الأول ...

    إيه رأيك في اليوم بتاعى جامد صح؟؟

    طب اسكت بقة .. وقولى هنا انت عاجبك

    بصراحة لا .. بس اعمل ايه يعني
    طب استفدت حاجة في نهاية الاجازة ..
    توء توء
    ده طبعا حال ثلاثة ارباع الشباب والبنات .. ده لو ماكنش كلهم..

    طب تعالى كدة معايا وشوف احنا هنعمل ايييييييييه؟؟

    فيالجزء الجاى ان شاء الله
    استنووووووووووووووونى


    ;dt ksjyg hgH[h.m


  2. #2
    Junior Member أم سمية is on a distinguished road
    تاريخ التسجيل
    Aug 2008
    المشاركات
    7
    معدل تقييم المستوى
    0

    RE: كيف نستغل الأجازة

    أجمد خطة لإستغلال الأجازة

    انزع عنك اردية ال**ل ...ومزق اسمان الاحباط وانهض من غفوتك .

    وانهض مبكرا لتستمتع بشروق الشمس وزقزقة عصافير الفجروتنسم رائحة الحرية وكن فى انتظار اليوم لا يكن اليوم فى انتظارك.



    ومن لا يهوى صعود الجبال


    يعش ابد الدهر بين الحفر





    كن مع الناجحين واحذررر من الفاشلين؟!!


    ( محمد الفاتح ) تربى منذ صغره على بشرى رسول الله صلى الله عليه وسلم بفتح القسطنطينية فهتف : أنا لها يا رسول الله


    ونظم حياته حسب هذا الهدف فمكنه الله من ذلك ولم يتعد الثامنة عشرة!!


    وكان أحد المسلمين يجعل جاريته تطحن له الخبز ويسفه سفا مع الماء


    ولما سئل عن ذلك : قال أوفر وقت المضغ!!


    (أحمد زويل) عالم مصر البارز وضع التفوق نصب عينيه منذ الصغر


    فحقق جوائز عالمية عجيبة ما نالها أحد قبله في هذا السن المبكر!!




    الوقت هو الحياة


    100 يوم كاملة ...كنـــــز أمامك يسمونه الأجازة الصيفية ولنسمه نحن


    ((وثبة إلى الأمام))


    مغامرة عجيبة ندعوك لتخوضها معنا ونهايتها إما تغيير إيجابي مذهل في حياتك أو ندم وضيق وكآبة تسيطر عليك!!


    كيف هذا؟؟


    فرصة سانحة أمامك لم تتح للكثيرين غيرك بل قد لا تتاح لك مرة أخرى


    فأحد أشهر منظمى الوقت يقول: "إنما أنت أيام , فإذا ذهب يومك ذهب بعضك , وإذا ذهب البعض يوشك أن يذهب الكل"


    ها....اتحمست شوية؟


    طب قولنا بقة هتقضى الأجازة إزااااااااى؟؟


    أولا ..اخى الفاضل واختى الفاضلة ..لن اكتب لك 1/تعمل كذا ..اما 2/ تعمل كذا ....لكن 3/ تعمل كذا وكذا


    وطبعا مش هتعمل حاجة!


    طب الحل إيـــــــــــــــــــــــ ه؟؟


    هل أنت ممن يعي قيمة الوقت فعلاااا..وهل أنت تعلم أن دقات قلب المرء قائلة له إن العمر ساعات وثوانى؟!


    لازم نستغل كل ساعة لالا كل دقيقة لا كل ثانية بل كل فيمتو ثانية


    إشحن بااااااور ....طاقة جاااااااامدة أووووووى وإنطلللللق معانا.....!


    هنعمل إيـــــــــــــه؟؟؟


    أولا ... حفظ القرآآآآآآآآن


    بس استنى هنا...مش هتحفظ لوحدك لاااااااااااااااااااااااا اااا
    يعني باذن المولى جل وعلا جمع كدة مجموعة من أصدقاءك المقربين ليك من ع المنتدى أو من أصحابك االمقربين خارج المنتدى


    واتفقوا كدة مع بعض .. هنعمل إيـــــــــــــه؟؟


    استنى هو هدفك أصلا اييييييه؟؟


    انا عاوز اعمل اقوى وأجمل حاجة في حياتى!


    وايه هي؟


    طــــــــــــــــاعة الله والسعى لرضـــــــــــــــــا الله


    يااااااااااااااه....ما أسمى هدفك!!




    لازم فعلا تكون الأجازة دي بالنسبالى وثبـــــــــة للأمام..بل إنطلاقة كليــة!


    الاتفاق ما بين أصحابك ..بس ناس همتها عالية كدة وجامدين.. هيكون عن حفظ كتاب الله جل وعلا وليكن هدفك كما ذكرنا زد على ذلك بشرى المصطفى صلى الله عليه وسلم ((إقرأ وارتق ورتل كما كنت ترتل في الدنيا, فإن منزلتك عند آخر آية تقرأها))


    وقوله صلى الله عليه وسلم ((الذي يقرأ القرآن وهو ماهر بهمع السفرة الكرام البررة والذي يقرأ القرآن و يتتعتع فيه وهو عليه شاق له أجران))






    [align=center]حظة الحفظ!!! [/align][size=xx-small][/size]






    ارسم لنفسك ... هتحفظ أد إيه في ال100 يوم دول؟؟..ماتنساش دي وثبة للأمام.


    وليكن قد قررت حفظ 3 أجزاء ..ها..طب طريقة الحفظ وخطته؟


    حدد لنفسك وقت معين في اليوم ... لا ينفع أبدا إنك تفوته ....إطلاقاااااا


    كل يوم من كذا لكذا ... ومن كذا لكذا ...هحفظ بمقدار كذا..تمام..وبعدين؟


    وحضرتك بتصلى النوافل أو في الفروض السرية هتسمع اللى حفظته بتقسيمه على الركعات .. وهتكرر التسميع في كل فرض أو نفل بحيث نثبـــــــــــــــــت الحفظ تثبيتاً تاماً ... نسأل الله أن يثبت حفظنا في صدورنا .. اللهم آآآميــن


    طب أنا واحد مش بعرف احفظ الا لما افهم.. وهو ده المطلوب ..امسك مصحف فيه معانى الكلمات ..على الأقل ... وعندك تفسير ابن كثير مثلا اقرأ تفسير الآيات اللى هتحفظها اليوم مررررررة واحدة بس مش هناخد من وقتك كتير !!

+ الرد على الموضوع

الكلمات الدلالية لهذا الموضوع

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
القران الكريم اون لاين

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59